[A:24b]ste 'khor gdug pa can rnams dang bcas pas/ spyir sems can gyi srog gi gshed ma byas/ khyad par grong khyer gsum brtsegs pa'i rgyal blon 'bangs 'khor dang bcas pa thams cad bsad de/ sha zos khrag 'thungs/ grong khyer thams cad bshig bcom brlag par byas pas/ grong khyer gsum brtsegs 'jigs byed pa/ /zhes bstod pa'i rgyu mtshan de yin/ de nas sngar gyi spyod pa rgyu mthun pa'i las kyi dbang gis/ 'od zer can nya par skyes pa de yang bsad nas sha zos khrag 'thungs so/ /der srid pa gsum na dbang che ba'i tshangs pa dang brgya byin la sogs pas kyang ma thub par/ nang sems can brgya za/ nub sems can brgya za zhing 'jig rten gyi khams thams cad brlag la khad du gyur pa dang / 'phags pa spyan ras gzigs dbang phyug gis sems can rnams la thugs rjes gzigs nas/ nag po drag po 'dul ba'i don du khro bo'i dbang po