[A:25a] yang 'don dgos rgyur 'dug ces kyang gsungs par grags shing / yongs 'dzin dkon mchog 'phel ba yang zhing gzhan du gshegs dus glo bor mkhan chen bsod nams lhun grub nyid shin tu dben pa'i thugs dam la bzhugs pa'i gzigs snang la/ bde ba can nas 'ongs zer ba'i lha'i bu mang po mchod rdzas du ma khyer nas/ nged rnams e wa~M chos ldan gyi gdan sa pa spyan 'dren la 'gro ba yin zer ba dang / lhag par dpal mgon zhal bzhi pa 'khor dang bcas pa rnam 'phrul rmad du byung ba'i sgo nas/ nged kyis chos rje ngor pa bde ba can du skyel du phyin pa yin/ gtor ma blangs zhes pa'i tshul gsal bar byung ba'i gtan tshigs dang bcas pa rgyun gyi zhabs 'bring pa dag la bka' stsol bar mdzad cing / don de la dgongs nas rje mkhan chen nyid kyi gsung las/ mdzad pa rgya mtsho'i mthar yang dpa' bo dang / /mkha' 'gro bye ba'i zhabs 'bring dang bcas te/ /bde ba can gyi zhing