[A:24b] pa lcam dral las mkhan dang bcas pa rnams mngon sum du gzigs snang la shar te/ khong chos skyong rnams ni tshogs chen mo'i dbyangs rol dang bstun/ phan tshun gcig gis gcig la/ da khyod 'gro ran byung / nga 'gro ran byung zer ba sogs mi la mi lab pa ltar byas nas/ thog ma las mkhan rnams dang / mthar gur gyi mgon po rang yang byon song bas/ kun mkhyen chen po'i thugs la/ sa skya pa'i phyag len rnam par dag pa'i dbyangs rol 'di rnams ting nge 'dzin lo brgya bsgoms pa dang / sngags lo brgya bzlas pa bas nus pa che ba 'dug dgongs nas thugs lhag par dad de/ de dus zhabs drung na yod pa'i skal ldan 'ga' la a la la/ sa skya pa'i dbyangs rol gyi phyag len 'di rnams ngo mtshar chen po red/ nged la mthong snang ya mtshan can 'di ltar byung gsungs gzhan yang nyams ldan gyi gsung gis/ ra lpags 'di tsho yang mnyed dgos rgyur 'dug bong skad 'di tsho