[A:19b] yin te/ de yang mus chen sangs rgyas rin chen e wa~M gdan sar phebs nas/ rje yongs 'dzin nyid gzim khang thar ba rtser sku mtshams la bzhugs dus tshes brgyad gcig gi nyin yongs 'dzin gyi gsung las/ lha mchog seng ge chos rje sangs rgyas rin chen pas khri thog mdzad pa'i nyin man nas/ tshogs dung 'di la skad sngar dang gtan nas mi 'dra ba rang zhig byung bas nyon gsungs nas gsan pas/ skad 'dzer 'dzer rang gi skad dung gnyis sbrags nas bus pa'i dbyibs shig byung / gzhan la rtsad bcad pas kyang / de bzhin rang 'dug zer/ 'di ltar 'dug lags zhus pas/ khyod da lta rang song la chos rje sangs rgyas rin chen pa la khyed kyis dpal mgon zhal bzhi pa'i rjes gnang su la thob dris shog gsungs nas/ rje tshogs na bzhugs pa'i snyan du phul bas/ sngon sa skyar chos dbar la phyin dus gnam kha 'ub pa'i gdung brgyud la yang zhus/ phyis 'bras yul du chos rje drung btsun pa la thob /