[A:20a] gsungs pa'i tshul phul bas/ de ka yin pa 'dug sngon kun mkhyen rin po ches kyang chos rje sangs rgyas rin chen pa la 'phrod par gyis gsungs pa'i bka' lung yang yod pas/ dge 'dun rnams 'du khang na yod ring la 'gro gsungs nas dbang khang du phebs/ de nub dpal mgon gyi rjes gnang rje sangs rgyas rin chen pa sku rkyang la gnang / khyed kyis lha mchog seng ge la skabs su bab dus 'phrod nges mdzod cig ces gdams so/ /de'i phyi nyin man tshogs dung skad sngar kho na ltar byung bas kun kyang ngo mtshar du 'dzin pa byung ngo zhes thos la/ yang ngor chen rdo rje 'chang gi bla ma grub chen buddha shrI la yang chos skyong rnams shin tu mches pa yin te/ dus shig zhe dgon pa'i g.yag bdun rkun mas khyer 'dug pa/ de nub gtor ma bsngo ba'i skabs su/ mon bu pu tra g.yag de rnams ma shi ba gyis/ rkun ma rnams srog la gnod pa ma skyel/ tsham rngam gyis la 'jigs /