[A:16b] rnams dang / gzhan yang grub mtha' mi gcig pa'i gang zag thams cad kyang tho 'tsham pa'i spros pa chod cing / ngo mtshar ba'i gnas su 'dzin pas dpal ldan sa skya pa'i bstan pa phyogs der nam langs shing nyi ma shar ba lta bur gyur/ de lta bu'i ngo mtshar ba'i rnam par thar pa du ma'i mnga' bdag bdag chen rdo rje 'chang blo gros rgyal mtshan 'dis ni mgon po'i man ngag gi glegs bam bsgrigs par mdzad pa sogs sa skya pa'i chos skyong skor la brgyud pa'i bla ma gzhan rnams las rgyu mtshan du ma'i sgo nas bka' drin mchog tu che ba zhig yin zhing / bdag chen 'dis kha'u skyed lhas kyi dgon pa'i sum cu rtsa gsum gyi sgrub khang du yun ring bzhugs nas chos skyong che chung gi man ngag sogs la 'chad nyan rtsal ston mdzad pas ding sang sa skya tshad kyi rna bar ma grag pa'i kha'u pa'i snyan brgyud kyi man ngag zab mo zhes kun la med pa'i g.yer chos su /