[A:17a] mdzad pa 'di byung ba yin no/ /yang sa skya pa'i bstan 'dzin kun gyi gtsug rgyan/ rgyal ba'i lung bstan brnyes pa'i skyes chen dam pa ngor chen rdo rje 'chang kun dga' bzang po ni/ yongs grags kyi yab sa skya ba'i gsol ja ba'i brgyud pa gci khung sgo pa nye gnas grub pa yon tan yin par bshad kyang / don gyi yab ni bzhi thog pa bdag chen kun dga' rin chen yin par srad pa kun blo sogs kyis mdzad pa'i rnam thar las 'byung ba bzhin don la gnas pas/ sa skya pa'i chos skyong rnams kyang gdung brgyud rnams dang khyad par med par 'go ba yin te/ sku gzhon nu'i tshe thos bsam mdzad dus bla brang shar na bzhugs pa'i mdo sde la chos rje sa paN gyis mchan btab pa sogs phyag dpe po ti drug brgya brgyad cu lhag pa tsam/ dgu rim na chos rje sa paN gyi dpe khang gi phyag dpe rnams la res dpe khang dang / res 'ga' /