[A:19b]ba dung phyur gyis bskor te rdzu 'phrul gyis nam mkha' la 'ongs nas mtshon cha'i char chen po me lce 'khrugs pa ltar 'bebs shing lhags pas/ chos bzang zhes bya ba'i mdun sar lha rnams 'tshogs te 'thab par rtsom pa la/ dang por lha rnams kyis khro ma shes par rtsub 'gyur gyi khang pa na/ khro bo lang ka ta nag po khros pa'i kha chu'i rdzing bu bdun 'khyil ba las 'thungs so/ /der lha rnams zhe sdang skyes te/ shin tu khro bar gyur nas lha'i bzo bo bi shwa karmas nub gcig la gser khrab bye ba dgu 'bum brdungs/ lha mahA kro dhas nub gcig la ral gri dang / 'khor lo dang / tho ba dang / lcags kyu dang / dgra satwa dang / mdung rtse gsum pa bye ba phrag dgu khri dgu 'bum brdungs/ dus der glang po che rab tu brtan pa'i mgo sum cu rtsa gnyis la nye dbang sum cu rtsa gnyis zhon/ dbus kyi mgo bo la lha'i dbang po brgya byin nyid zhon/ lha