[A:19a]bdud la blang / /zhes smras pa dang / lha rnams kyis smras pa/ dpag bsam shing la 'dod yon bsam yas kyang / /bsod nams dbang gis lha la yongs su grub/ /gzhan la yod na med cing skam par 'gyur/ /de bas khyed la ljon shing nged mi ster/ /zhes smras pa la/ lha ma yin rnams kyis smras pa/ thun mong las grub bde ldan ljon pa'i shing / /lha yis dbang byas nged la mi ster na/ /'jig rten dregs pa'i mtshon cha'i char phab nas/ /lha dang lha min g.yul chen 'gyed par bya/ /zhes smras te slar song nas lha ma yin gyi dmag drangs so/ /de yang glang po che sa bsrungs kyi mgo sum cu rtsa gnyis la gnod sbyin sum cu rtsa gnyis zhon/ dbus kyi mgo bo la lha ma yin gyi dbang po thags bzang ris zhon/ glang po che'i sna la ral gri kA ma la nag po btags nas lha ma yin gyi dmag bye