[A:193a]ba dang / gnam kha 'ub kyis rdo rje'i char pa babs pa sogs cho 'phrul sna tshogs bstan pas/ hor rgyal po la thugs rtog cher byung nas/ sman rtse nas bdag nyid chen po myur du spyan drangs te/ sa skya'i gdan sa gtad cing / gdung brgyud spel ba'i lung bud pa sogs byung ba yin pas/ dam pa 'di rang re sa skya pa la bka' drin mchog tu che ba yin la/ rje 'di khams phyogs kyi khrom chen po'i gseb nas yod pa zhig la/ chos rje khu dbon gnyis kas gur mgon dngos su gzigs pas chos skyong gi sprul par yang grags/ bla ma 'dis mdo khams kyi tre maNDal thang zhes bya ba chos rgyal 'phags pa'i dbon po dharmA pha la gshegs pa'i gnas dang thag nye ba'i sar/ hor gyi rgyal po se chen go pe las sbyin bdag mdzad nas/ rgya'i bzo bo shin tu mkhas pa dag gis bzhengs pa'i gur mgon lha brgyad kyi sku la/ bla chen 'phags pa spyan drangs te rje rang nyid dang bcas pas phyag nas