[A:192b]kyi rgyal po 'phags pa nyid la bka' srung rnams kyis 'phrin las sgrub pa'i rtags mtshan rgyun ma chad par bstan pa'i ngo mtshar ba'i rnam thar du snang ngo / /bla ma chen po 'di'i chos skyong gi man ngag yongs su rdzogs pa'i slob ma ni/ mgon po'i bka' bab dam pa kun dga' grags nyid de/ skyes chen 'di ni chos skyong la mnga' shin tu brnyes pas/ sa skya pa'i gdung brgyud dharma pha la gzhon nu la gshegs shing / bdag nyid chen po bzang po dpal sman rtse'i yul nas 'byon ma bde bas/ sa skya'i gdan sa shar ba rin rgyal ba la 'chol dgos pa byung dus/ bstan 'dzin thams cad kyi thugs la ma ran nas/ de dus dam pa kun dga' grags 'dis sa skya gdung brgyud rang gis 'dzin zhing / gdung brgyud rgyun mi chad pa'i 'phrin 'chol chos skyong rnams la drag tu mdzad pas/ de'i nus pa la brten nas hor rgyal po'i pho brang gi steng du lcags kyi bya rog chen po ri bo tsam bab ste/ de'i spu 'gul ba tsam gyis sa phyogs thams cad g.yo