[A:18b]na shing de'i rtse mo 'dod khams kyi lha yul na yod pas/ lo ma dang 'bras bu lha rnams kyis bdag gir byas shing longs spyad pas/ ri rab sked pa 'od ma'i snang ba zhes bya ba'i gnas na/ lha ma yin gyi rgyal po gsum brtsegs dang / thag bzang ris dang / dhe ra na ke shu dang / rnam par snang byed dang / rab sil dang / sgra gcan 'dzin la sogs pa bye ba dung phyur tsam shin tu mi sdug pa'i cha byad du byas nas rab tu rngam pa'i nga ro dang / 'jigs shing dregs pa'i mtshon cha sna tshogs thogs nas ri rab kyi steng chos bzang zhes bya ba'i gnas su lhags nas/ ri rab kyi steng na lha ba su de ba dang / mahA de ba dang / brgya byin nyid la sogs pa lha'i tshogs rnams la/ lha ma yin rnams kyis smras pa/ ri rab rtser gnas sum cu rtsa gsum lha/ /shing 'di lha dang lha min thun mong la/ /da lta khyed cag lha rnams dbang byed na/ /da ni nged cag lha min