[A:188b]shing / de phyin chad grwa pa dag gis lcam dral gyi 'bag dang phod ka gyon/ rta nag zhon nas gzigs snang dang 'dra ba'i cha lugs su byas te chos kyi rgyal po'i zhabs 'bring la 'gro ba'i zhal bkod mdzad de/ de dus kyi zhal 'bag dang phod ka sogs ma nyams pa dus phyis shing sgrom la g.yogs te/ sa skya'i tshoms bar sogs mgon khang rnams na bzhugs pa la 'cham mgon rta thog ma zhes grags so/ /chos kyi rgyal po dpal ldan 'phags pa 'di nyid kyis bstan srung rnams bran du 'khol ba'i mthu rtsal gyis stod hor gdug pa can btul ba'i tshul ni/ hor gyi rgyal po go dan la/ gcen po hu la hu bya ba dang / gcung po go pe la zhes pa se chen rgyal po dang mched gsum yod pa'i/ go dan gyis blon thabs mdzad/ khrims ra thams cad la dbang bsgyur/ se chen rgyal sar bkod/ phu bo hu la hu la dbang rigs cher med pa nas/