[A:188a] to/ /de ltar dgung lo bco brgyad pa nas zhe drug pa'i bar nyi shu rtsa dgu'i bar la gdan sa che 'bring chung gsum/ rgya bod kyi chos sde phal mo che'i bdag rkyen bkod bzhag skyong dar la sogs pas nyin mtshan 'das par mdzad nas/ zhe drug pa lcags pho 'brug gi smal po zla ba'i nyi shu gnyis la dkon mchog gi drung du mchod pa rgyas par shoms gsungs nas rdo rje skyil krung mdzad/ rdor dril thugs khar bsnol ba'i ngang nas rma bya chen mo dang / dpal mgon klu sgrub la sogs pa mngon sum du gzigs pa sogs ngo mtshar gyi ltas du ma dang bcas te/ lha khang chen mo'i bla brang du bde bar gshegs so/ /bla chen 'dis hor yul du byon pa'i bar lam du sprin gseb tu gur gyi mgon po rta nag la chibs te/ ber nag gsol ba/ phyag na gri thod 'dzin zhing / lha mo phyag gnyis ma rta rgyab tu bskyon pa/ rta nag gi rmig pa nas mi nag gsum gyis bteg pa zhig mngon sum du gzigs