[A:172b]'khor la tshogs su gsungs pas thams cad ngo mtshar du gyur te/ blo gros chen por mtshan gsol/ mdor na bla chen yab sras/ gnyan gtsug tor rgyal po/ gnyan dbang rgyal/ zhang btsun tshul grags/ bal po'i paNDi ta dza ya se na/ lo tsA ba dar ma yon tan/ sum pa lo tsA ba dang dpal mchog dang po'i rdo rje la sogs pa la/ rgya gar nas 'gyur ba'i mdo bstan bcos/ rgyud man ngag mtha' yas pa zhig gsan cing legs par sbyangs/ ma gsan pa 'ga' re yang gzigs rtogs legs par mdzad de/ nga thos rgya can min yang mthong rgya can yin/ ngas dge slong gcig 'grub tu re nas 'dul ba lung 'di yun ring por blta ba ma grub/ dge slong mi grub par shes nas legs par bltas zhes gsungs/ mdor na ma gzigs pa'am mi mkhyen pa'i chos cung zad kyang med pas/ thos pas mi ngoms nyid dang ni/ /zhes pa'i sa gsum pa'i yongs sbyongs rdzogs par mdzad do/ /gtong ba phun sum tshogs