[A:༡༧༢བ]འཁོར་ལ་ཚོགས་སུ་གསུངས་པས་ཐམས་ཅད་ངོ་མཚར་དུ་གྱུར་ཏེ། བློ་གྲོས་ཆེན་པོར་མཚན་གསོལ། མདོར་ན་བླ་ཆེན་ཡབ་སྲས། གཉན་གཙུག་ཏོར་རྒྱལ་པོ། གཉན་དབང་རྒྱལ། ཞང་བཙུན་ཚུལ་གྲགས། བལ་པོའི་པཎྜི་ཏ་ཛ་ཡ་སེ་ན། ལོ་ཙཱ་བ་དར་མ་ཡོན་ཏན། སུམ་པ་ལོ་ཙཱ་བ་དང་དཔལ་མཆོག་དང་པོའི་རྡོ་རྗེ་ལ་སོགས་པ་ལ། རྒྱ་གར་ནས་འགྱུར་བའི་མདོ་བསྟན་བཅོས། རྒྱུད་མན་ངག་མཐའ་ཡས་པ་ཞིག་གསན་ཅིང་ལེགས་པར་སྦྱངས། མ་གསན་པ་འགའ་རེ་ཡང་གཟིགས་རྟོགས་ལེགས་པར་མཛད་དེ། ང་ཐོས་རྒྱ་ཅན་མིན་ཡང་མཐོང་རྒྱ་ཅན་ཡིན། ངས་དགེ་སློང་གཅིག་འགྲུབ་ཏུ་རེ་ནས་འདུལ་བ་ལུང་འདི་ཡུན་རིང་པོར་བལྟ་བ་མ་གྲུབ། དགེ་སློང་མི་གྲུབ་པར་ཤེས་ནས་ལེགས་པར་བལྟས་ཞེས་གསུངས། མདོར་ན་མ་གཟིགས་པའམ་མི་མཁྱེན་པའི་ཆོས་ཅུང་ཟད་ཀྱང་མེད་པས། ཐོས་པས་མི་ངོམས་ཉིད་དང་ནི། །ཞེས་པའི་ས་གསུམ་པའི་ཡོངས་སྦྱོངས་རྫོགས་པར་མཛད་དོ། །གཏོང་བ་ཕུན་སུམ་ཚོགས་