[A:172a]gyi drung du tshangs spyod dge bsnyen gyi sdom pa legs par nod de/ rten skya bor bzhugs pa tsam ma gtogs/ sha chang sgong gsum zhal la mi reg dge slong khyad par can gyi lugs nyam dang mi 'bral/ sku 'khor gyi gtso bo yang rab byung la mdzad/ khyed rnams kyis gso sbyongs ma chag pa gyis/ ja ngas 'dren gsungs nas rab byung 'ba' zhig la dgyes/ mdor na sdom gsum legs par nod nas nyes ltung phra mos kyang ma gos pa mdzad do/ /thos pa phun sum tshogs pa ni/ gzhon nu nyid nas klog dang yig rtsis sogs tshegs chung ngus mkhyen zhing / yab dang gcen la dbang bshad man ngag ma lus par gsan/ khyad par dgung lo bcu gnyis pa la sdom pa nyi shu pa dang / sgrub thabs mtsho skyes thugs las gsungs/ bcu gsum pa la rgyud gsum gyi po ti zhal du gsol ba'i mnal lam byung ba bzhin du tshig don mtha' dag thugs la chud de/ yab gshegs pa'i chos