[A:169b]yang bdag gis yod ma shes/ /de slad byang chub bar du bdag skyabs mchi/ /khyod kyi yon tan dpag yas sangs rgyas dang / /byang sems chen po rnams dang dbyer med pas/ /bdag 'dras bskal par brjod par ga la lang / /de ltar de 'dra'i skyes chen khyed la 'dud/ /chung ngu'i dus na khyed kyi thugs rjes bskyangs/ /rmad byung zab mo'i lam rnams rjes su bstan/ /'di dang phyi mar phan bde'i sa la bkod/ /tshad med bka' drin yang yang dran par gyur/ /gnyen gyis 'brel bas khyed la dad min te/ /nges par sangs rgyas yin pa'i nges shes kyis/ /khyed la cung zad bstod pa 'di bgyis pas/ /dge bas bla ma'i zhabs drung skye bar shog /kye ma bla ma bzhugs pa'i zhabs drung du/ /chos kyi bka' drin nod pa'i skal bas dben/ /skyabs med bdag la thugs rje chen po yis/ /yang dag rtogs pa'i blo gros bskyed du gsol/ /zhes pa bstod pa'i rgyu mtshan dge ba bsngo ba dang bcas te rgyas par bstod pa