[A:169a]slob dpon nyid tha dad pa med par bstan pas der bsdus te logs su ma bgrangs pa yin no/ /gnyis pa khyad par du rje btsun rang nyid la bstan tshul ni/ dbang dus dkyil 'khor gtso dang dbyer med pas/ /zab mo'i don gsungs gnas dang mkha' kun la/ /'od dang 'od zer rol mo'i sgra bsgrags nas/ /bdag yid ting 'dzin sgo mang 'byed la 'dud/ /ces pa ste/ dbang gi dus su 'od zer gyi snang ba dpag tu med pa 'phro zhing / lha'i rol mo'i sgra dbyangs bsam gyis mi khyab pa sogs mchod pa'i sprin gzhal gyis mi lang ba dang bcas pa'i dbus na bzhugs pa'i sprul pa'i dkyil 'khor mngon sum du bstan te/ dkyil 'khor de nyid du dbang bskur cing zab mo'i don bstan nas/ ting nge 'dzin gyi sgo bsam gyis mi khyab pa 'byed par mdzad do/ /gzhan yang / rdo rje 'chang dang 'jam mgon dbyer med pa/ /bla ma mchog dang dam pa khyod nyid la/ /khyad par 'ga'