[A:168b]pa ste/ po ta la la sogs pa'i gnas chen rnams su bstan srung dbang po rnams dang / dpa' bo dang rnal 'byor ma'i tshogs dpag tu med pa dang lhan cig rgyud sde nas ji ltar bshad pa'i kun 'dar dang kun tu bzang po'i spyod pa tshul bzhin du spyod pa'i rnam 'phrul du mas nye ba'i gnas thob pa khyod la shin tu yid rang ba'i sgo nas 'dud do zhes bya ba'i don to/ /de la nye ba'i gnas zhes bya ba ni brda'i skad yin la/ thun mong du grags pa'i ming gis bstan na/ sa gnyis pa dri ma med pa mngon du mdzad do zhes bya ba yin no/ /'o na sa chen gyi slob ma mchog thob pa'i nang du bgrang par rigs shing / de lta na mchog thob pa'i slob ma bzhir 'gyur ro zhe na/ de la mchog thob pa'i slob ma gsum 'byung zhes pa ni/ gsum nges par 'byung ba'i don yin gyi/ gzhan bkag pa med la/ 'dir ni bstod pa de nyid las/ rdo rje 'chang dang 'jam mgon dbyer med pa/ /zhes sogs shlau ka gcig po de'i don bla chen dang