[A:168a]khyod la 'dud/ /ces pa ste/ sku'i kun spyod nyes pa'i dri ma dang bral/ gsung gi brjod pa log smra'i dri ma dang bral/ thugs kyi rang bzhin spros pa'i dri ma dang bral te/ sku legs par spyod pa dang ldan/ gsung bden don gsung ba dang ldan/ thugs stong nyid snying rje'i snying po can dang ldan pa yin no/ /zhes bya ba'i don to/ /bzhi pa don gnyis kyi mdzad pa phun sum tshogs pa ni/ g.yengs pa med par 'chad rtsod rtsom pa dang / /rim gnyis rnal 'byor rgyun chad med pa yis/ /rjes thob sgyu mar gzigs nas sems can la/ /sbyin pa rnam bzhis tshim mdzad khyod la 'dud/ /ces so/ /bzhi pa khyad par du sa lam ji ltar brnyes pa'i tshul ni/ po ta la dang dpal ri u rgyan sogs/ /nyin phyed tsam gyis legs 'khor mkha' 'gro dang / /dpa' bo'i tshogs dang spyod pa'i brtul zhugs spyad/ /rnam 'phrul du mas nye gnas yid rang 'dud/ /ces