[A:162b]'char kha/ zangs gdong ru khrod rnams su gdul bya mang po la lam 'bras gsungs pa gsum/ gung thang du bla ma mal gyi drung du dril bu chos skor gsan pa/ shab sgo lngar chos 'khor bskor ba/ 'bring mtshams mgron lha lcam gyi lha khang la rab gnas mdzad pa rnams dus tshod tshes grangs gcig la mdzad/ sku gshegs dus kyang sku'i bkod pa bzhi bstan te/ gcig bde ba can/ gcig po ta la/ gcig u rgyan/ gcig gser mdog can du gshegs/ spur bzhu dus kun gyis yi dam zhal bzhi par mthong / la las brgyad par mthong ba yang bstan pa sogs grub rtags bsam gyis mi khyab bo/ /gzhan don la sku dngos kyi gdul bya bla ma dge chu ba la dbang gsan pa'i sta gon gyi mnal lam dang mthun par/ zhang ston mnga' brnyes chos 'bar gyis gsung ngag mtha' dag rdzogs pa'i mjug tu lung bstan mdzad pa bzhin/ lus ma spangs par phyag rgya chen po mchog gi dngos grub thob pa gsum/