[A:162a]khyad par can gyi nyams dang mi 'bral/ khyad par rim gnyis kyi rnal 'byor mthar son/ yi dam dang bla ma zhi bar gshegs pa kun mnal lam dang mngon sum ci rigs par byon nas chos gsungs/ the tshom gcod/ yang sgos rnal 'byor dbang phyug birWa pas rgyud sde bdun cu rtsa gnyis la sogs rgyud lung man ngag mtha' yas pa dngos su 'doms par mdzad do/ /lhag pa shes rab ni/ gsung rab mtha' dag gi tshig dang don la chags thogs cung zad kyang mi mnga' zhing / ma rtogs pa dang log par rtog pa dang the tshom mtha' dag myur du gcod nus pa'i yang dag pa'i nges pa brtan po dang ldan zhing / chos gsungs pa thams cad kyang thugs nas gsungs/ ji lta ji snyed la gzigs pa rnam par dag nang na rtogs pa khyad par can mnga' ba ltar/ phyi rol du grub pa'i rtags bstan pa yang / gzhan don mdzad dus nyin gcig la sku lus drug sprul te/ sa skya/ mnga' ris