[A:161b]kha'u pas bla ma mnyam po la nga gson po'i kha la nyon/ khyod rab tu byung ba bas ma byung na bstan pa la phan gsungs pa'i rkyen gyis rab byung mdzad dbang ma byung na'ang / dge bsnyen yongs rdzogs kyi sdom pa shin tu dag cing / tha na dge bsnyen gyi skyabs 'gro'i bslab bya lhan pa ser po la yang mi 'gom/ btsun chung rnams rdo sgor rgyag sar byon nas/ tshe dang ldan pa bla gos gcig bzhes shig dge bsnyen rgad po phyag gcig 'tshal ba yin no gsungs shing legs par gus pa'i phyag mdzad/ gzhan de lta bu'i mdzad pa bstan pa'i mnga' bdag bstan 'dzin kun gyi bla mar gyur pa sus kyang tshul de lta bu rmi lam du'ang sgrub par mi nus so/ /de bzhin du byang sems dang / gsang sngags kyi sdom pa 'khor dang bcas pa la nyes ltung phra mos kyang ma gos pa'i blang dor shin tu bya dka' ba rnams kyang zhib tu mdzad pas tshul khrims kyi bslab pa mchog dang ldan/ lhag par ting nge 'dzin la/ spyir mnyam rjes kun tu zhi gnas