[A:161a]rin po che lam skor cha lag dang bcas pa thams cad ma lus pa gsan te/ de ltar na sa chen 'di dang por mdo sngags phyi nang lung rigs kyi gsung rab mtha' dag tshar re gsan pa tsam gyis mkhyen pas/ ma gsan pa'am mi mkhyen pa gang yang med/ snying rje dang bdag pas gzhan gces pa'i lhag bsam gyis 'brum bus na ba'i nad g.yog mdzad pas legs par gsos nas rang nyid la 'gos te/ grongs la thug pa'i sdug bsngal dwang du blangs shing / gzhan yang slob gnyer gyi dus na yang bdag pas gzhan gces mang du mdzad/ phyis gzhan don gyi tshe ni shin tu mang bar mdzad do/ /sbyor ba la bslab pa gsum las tshul khrims kyi bslab pa ni/ so sor thar pa'i dbang du byas na/ bla ma dge chu ba gshegs khar/ kun dga' snying po khyod rab tu byung nas 'khon tsho'i sde pa 'di skyongs shig gsungs pa'i zhal chems byung ba ltar/ rab byung bsnyen rdzogs la thugs shin tu spro yang / bla ma gnam