[A:16a]shes pa gcig kyang ma byung pas/ da shes pa mi 'ong bros na thar ba srid dam snyam nas nags tshal chen po zhig gi gseb tu bros pa dang / nags de'i gseb na mi ma yin ma smad gnyis 'dug pas/ ma na re/ sang ni paNDi ta mang po gsod/ de rnams kyi sha khrag mang po bzar yong ngo zer ro/ /bu mo na re/ de rnams gsod pa'i rgyu mtshan ci yin zer bas/ mas sngar gyi rnam thar bshad do/ /bu mo na re/ sgra de sus shes zer ba la/ ma na re/ yul 'di skad bya ba na paNDi ta 'di skad bya ba yod des shes zer zhing 'dug pa thos so/ /de nas paNDi ta des paNDi ta de la 'drir phyin pas/ paNDi ta des smras pa/ snying dang 'dra ba'i grogs po yis/ /nags tshal dgon par khrid nas ni/ /thor tshugs rdog pas mnan byas te/ /ske la smyug ma'i tshal pa brgyab/ /ces bya ba yin zer ro/ /de nas paNDi ta des rgyal po'i rtsar