[A:15b]shin tu mkhas par 'dug ngas ni ci yang mi shes pas yul du 'grogs nas 'gro ba ngo tsha snyam nas/ bas mtha' nags tshal zhig gi gseb tu rgyal bu'i ske la smyug ma'i tshal pa brgyab ste bsad do/ /de'i tshe rgyal bu na re/ nga'i pha ma la a pra shri pra zhes bya ba'i 'phrin 'di smros la ber ka 'di gtod cig zer nas shi bar gyur to/ /de nas blon po'i bus yul du phyin te/ rgyal bu'i pha ma la smras pa/ khyed kyi rgyal bu shi ber ka 'di yin/ 'phrin a pra shri pra zhes zer ro byas/ de nas rgyal pos mchod gnas paNDi ta lnga brgya yod pa la 'phrin 'di ji skad zer ba yin dris pas/ sgra de shes pa gcig kyang ma byung / der rgyal pos smras pa/ paNDi ta 'di tsam gyi nang nas mi shes pa mi srid pas/ sang tshun chod la mi smra na thams cad gsod do zhes zer ro/ /de'i dus su de rnams kyi nang nas paNDi ta gcig gi bsam pa la/ paNDi ta lnga brgya'i nang nas