[A:༡༦༡ན]རིན་པོ་ཆེ་ལམ་སྐོར་ཆ་ལག་དང་བཅས་པ་ཐམས་ཅད་མ་ལུས་པ་གསན་ཏེ། དེ་ལྟར་ན་ས་ཆེན་འདི་དང་པོར་མདོ་སྔགས་ཕྱི་ནང་ལུང་རིགས་ཀྱི་གསུང་རབ་མཐའ་དག་ཚར་རེ་གསན་པ་ཙམ་གྱིས་མཁྱེན་པས། མ་གསན་པའམ་མི་མཁྱེན་པ་གང་ཡང་མེད། སྙིང་རྗེ་དང་བདག་པས་གཞན་གཅེས་པའི་ལྷག་བསམ་གྱིས་འབྲུམ་བུས་ན་བའི་ནད་གཡོག་མཛད་པས་ལེགས་པར་གསོས་ནས་རང་ཉིད་ལ་འགོས་ཏེ། གྲོངས་ལ་ཐུག་པའི་སྡུག་བསྔལ་དྭང་དུ་བླངས་ཤིང་། གཞན་ཡང་སློབ་གཉེར་གྱི་དུས་ན་ཡང་བདག་པས་གཞན་གཅེས་མང་དུ་མཛད། ཕྱིས་གཞན་དོན་གྱི་ཚེ་ནི་ཤིན་ཏུ་མང་བར་མཛད་དོ། །སྦྱོར་བ་ལ་བསླབ་པ་གསུམ་ལས་ཚུལ་ཁྲིམས་ཀྱི་བསླབ་པ་ནི། སོ་སོར་ཐར་པའི་དབང་དུ་བྱས་ན། བླ་མ་དགེ་ཆུ་བ་གཤེགས་ཁར། ཀུན་དགའ་སྙིང་པོ་ཁྱོད་རབ་ཏུ་བྱུང་ནས་འཁོན་ཚོའི་སྡེ་པ་འདི་སྐྱོངས་ཤིག་གསུངས་པའི་ཞལ་ཆེམས་བྱུང་བ་ལྟར། རབ་བྱུང་བསྙེན་རྫོགས་ལ་ཐུགས་ཤིན་ཏུ་སྤྲོ་ཡང་། བླ་མ་གནམ་