[A:138a]lam du dor mi mtshungs pa sna tshogs byas shing / de bzhin du bon nag la'ang byas pas/ khong gnyis kyi ngan sngags kyi tshogs shin tu 'khrugs par gyur to/ /de nas de'i skabs der nus mthu'i mnga' bdag bla chen kun dga' snying po de nyid kyis chos skyong mthu rtsal can rnams bran du bkol te/ drag po mngon spyod kyi las la bskul ba'i sgo nas sngags nag dang bon nag gnyis la dmigs pa'i las sbyor mdzad pa'i tshe/ sngags bon gnyis 'dug pa'i gnas der sngar med pa'i g.yag rgod rog po gnyis rwa brdar la sogs pa drag po'i spyod pa zil dang ldan pa du ma byed pa re re byung zhing / gzhan yang bya nag khyi nag ce spyang sogs chos skyong gi sprul pa bsam gyis mi khyab pa'ang de'i dus byung zhes grags la/ de dang dus mtshungs par dam tshig ldan pa'i khams pa rdor rgyal des/ sngags nag dang bon nag gnyis kyi slob 'khor rnams