[A:137b]pa'i rdo rje slob dpon la log lta byed pa shin tu 'khrul pa yin gsungs nas zhabs gnyis shad kyis skyong bar mdzad pa'i zhabs mthil la kyai rdo rje dang / 'khor lo bde mchog gi dkyil 'khor bris pa las kyang gsal ba gnyis khams pa la bstan pas/ rdor rgyal nyid shin tu 'gyod par gyur te/ sngar byas rnams bshags pa dang / phyin chad bla chen gyi ched du lus srog gtong bar dam bca' phul/ de nas khams pa des bla chen stag tsha'i drung du phyin te/ sa chen bkrongs grub pa lta bu'i tshul smras pas/ bla chen stag tshas de nyid bden par bsams nas mgo 'khor nas rdor rgyal la nye gnas bcol zhing / nged kyi mal sa dang phreng ba 'di la tho reg med cing shin tu gtsang ba rang dus rgyun du bya dgos so zer ba sogs kyi bslabs cha mang du byas pa la khams pas bsam bzhin du mal sa yang yang du bshig bcos byed pa dang / phreng ba'i mdud pa bkrol te spyod