[A:127b]'bag gi zhal gdangs ha cang ches pa la/ dpon chen byang rin gyis dngul gyi lkog stegs bcug pas/ 'khu ldog gi rnam pas dpon chen lkog ma skrangs nas shi la thug pa la/ zhal 'bag gi lkog stegs bton pas/ dpon chen nad las grol nas btang rag phul bar grags pa dang / gang zag mchog dman su zhig gis mjal yang / zhal 'bag gi kha dog la mthong snang sna tshogs pa bstan pa'i sgo nas kyang de dang mthun pa'i dngos grub stsol bar nges te/ bdag gi bla ma grub mchog dbang po'i mtshan can la yang gzigs snang du ma zhig byung ba'i tshul ni/ de yang rje nyid dgung lo bdun bzhes dus sngags 'chang chen po'i phyag phyir dkris nas sgo rum ye shes mgon po mjal bar phebs skabs/ 'cham mgon gyi rnam pa de ma yin pa'i/ khyi gdong 'jigs su rung ba rnga ral chen po nam mkha'i dbyings su ye re ba/ phyag g.yas g.yon gnyis ral gri