[A:127a]de dus kyi gang zag bzang po rnams mgon khang du spyan drangs te gsol ba 'debs pa zhag re'am gsum tsam re mdzad pas gang 'dod pa'i don de thogs med du 'grub pa'i lo rgyus mang du yod pa dang / lo chen gyis bon po ma rungs pa gdug pa can rnams 'dul ba'i tshe yang / 'cham mgon 'di la 'phrin 'chol drag tu mdzad pas bzhed don 'bad med du 'grub pa dang / dpal sa skya 'dir yang bla chen kun dga' snying po nas bzung / sngags 'chang chos kyi rgyal po yab sras kyi bar du byon pa'i bla ma gong ma phal cher la yang mi dang mi lab pa'i tshul gyis lung ston pa dang / bar chad sel ba/ gang bcol ba'i 'phrin las thams cad thogs med du sgrub pa/ da lta'i bar gyi sa skya pa'i 'phel rgyas thams cad bse mgon chen po 'di'i thugs rje dang mthu rtsal gyi byin rlabs las byung bar nges shing / gzhan yang 'di shin tu gnyan pas zhal