[A:13a]mngon pa'i nga rgyal byed do/ /de la de bzhin gshegs pas dge slong khyod log pa'i nga rgyal de lta bu byed par mi rigs te/ dper na 'dod khams kyi dbang phyug chen po des lha thams cad las bdag stobs che'o snyam pa'i nga rgyal gyis ri rab klad la bskor/ rgya mtsho chen po dbugs kyis rngub/ dga' bo dang nyer dga' la sogs pa'i klu chen po rnams rgyan du byas/ nyi zla thod du bcings/ lha phran zas su za'o/ /de lta bu'i stobs dang ldan zhing / bdag ni 'jig rten 'di na stobs che ba yin no snyam pa'i nga rgyal byed mod kyang / de bzhin gshegs pa'i stobs ni nam mkha' dang mnyam la/ de'i stobs ni rtswa'i rtse mo'i rdul phran tsam du zad do/ /dge slong khyod kyang de dang 'dra bas mngon pa'i nga rgyal ma byed cig ces gsungs pas/ dge slong de sems shin tu dman par gyur nas/ bdag ni de bzhin gshegs pa'i 'khor du gnas pa la dgos pa ci