[A:125a]mi nyams shing yar ldan du 'byung ba'i rten 'brel thams cad rang 'grig tu gyur pa yin no/ /skabs der byin pa'i chos skyong gi gsung gi rten gyi dar nag ni phyi 'khyar byung dogs bla ma gong ma'i nang rten zhig gi gzungs rdzongs la bzhugs skad/ thugs kyi rten lcags kyi rdo rje ni bla ma dam pa sogs kyis bar skabs su sku bsrung la phyogs su spyan 'dren par mdzad kyang / slar sgo rum sgam nag nyid du bzhugs su gsol nas da lta yod pa 'di kho na rtsod med yin par bla ma gong ma rnams gsung ba thos shing / yon tan 'phrin las kyi rten bse'i ga'u snying 'dra ba'i nang na bzhugs pa'i man ngag gang 'dod kyi yi ger 'ong ba de ni/ snga mo zhig nas shin tu gsang ba'i tshul gyis kun gyi mi mngon par bzhugs pa yin te/ bdag chen blo gros rgyal mtshan gyi gsung las/ bse 'bag dang lhan cig rgya gar nas byung ba'i bse'i ga'u'i nang na yod pa'i