[A:124b]gyis spyan drangs nas dpal sa skya'i sgo rum gzim spyil dkar por phebs pa na/ re zhig gi bzhugs sa da ltar bzhugs pa'i gzims khang chung ngu 'di nyid du mdzad de slar mgon khang bzhengs pa'i dgongs pa bla chen gyi thugs la 'khrungs pa'i tshe/ bse mgon gyi gsung byon nas/ mgon khang gsar pa bya mi dgos/ da lta'i 'dug sa 'di kas rdo rje gdan gyi byang sgo yang non zhing / bstan dgra gdug pa can rnams sgrol ba dang / bstan pa bstan 'dzin dang bcas pa skyong ba yang 'di kar gnas pas bgyid 'tshal lo/ /zhes bka' stsal pa bzhin bla chen gyis kyang de ma thag bskang gso gtum chen mar grags pa mdzad de/ 'cham mgon yid bzhin gyi nor bu gnas de nyid du g.yo med du bzhugs su gsol nas bka' bsgo dang 'phrin bcol rgyas par mdzad pa'i rten 'brel gyis dpal sa skya'i sde bstan pa gdung brgyud dang bcas pa'i rgyun 'di ji srid thub pa'i bstan pa gnas kyi bar du