[A:123b]kyi thugs dam bse 'bag nag po 'gro shes bya ba bla ma brgyud pa'i byin rlabs kyis nga yi bka' nyan du yod pa 'di khyed kyi rjes su gtong bas/ da nga rgas pas khyed mi dgos/ khyed jo sras kyi rjes la sa skyar song la/ kun dga' snying po mi brgyud dang bcas pa'i bka' bzhin sgrubs shig gsungs pa la/ 'cham sku lan gsum 'phar byung ba la/ bla ma mal gyis phod ka'i phu rung gi g.yab tho lan gsum brgyab nas song zhes gsungs so/ /de phyin chad bse mgon gyis sa skya pa'i bka' bran bzhin du nyan yang / skabs su mthu rtsal drag drags pa'i rnam 'gyur bag re byung nas bla ma la zhus pas/ mal gyi gsung gis bse mgon 'di rgya gar na yang mthu rtsal 'gran med du byed/ 'on kyang 'di'i dpung g.yas pa'i thad du dpal phyag na rdo rje 'byung po 'dul byed re sgoms dang legs par 'ong gis gsungs te de bzhin du mdzad pas deng sang gi bar du bris 'bur gang la yang