[A:123a]chos 'dra yod gsungs pa la/ bla chen gyis kyang myur bar byon pas/ sngar ma gnang ba'i bde mchog skor sogs zab chos mang po dang / lhag par chos skyong 'di'i skor shin tu bka' dog pa yin pa la bla ma shin tu dgyes pa'i stobs kyis 'cham sku'i drung du rjes gnang sgrub skor man ngag dang bcas pa rdzogs par gnang zhing / rjes gnang gi dus sku gsung thugs kyi rten khyad par rnams stsal cing bka' bsgo mdzad pa'i tshe/ 'cham sku bzhengs nas byon pa'i phyag dang / sa chen gyi phyag sbrel te/ bla ma'i zhal nas/ spyir chos byed pa thams cad la chos skyong bzang po re bsten pa gal che/ khyad par du khyed brgyud pa dang bcas pa la gur gyi mgon po 'dis phan thogs pa'i rten 'brel mang po yod/ bstan pa la yang shin tu phan pa yong bas/ rdo rje 'chang gi dngos su byin gyis brlabs pa'i bla ma bram ze mchog sred