[A:100b]'bar ba ltar gyur pa kun gyis mngon sum du mthong ba byung ngo zhes grags shing / yang dpe rnying 'ga' zhig las 'cham sku nyid bzhengs grub ma thag chos skyong nyid dngos su thim pa yin no/ /zhes kyang 'byung la/ de ltar sku rgyu'i cha nas bse 'bag sku mdog gi cha nas nag po/ bod du sangs rgyas kyi bstan pa bsrung ba la gzhan gyis ma bskul bzhin du rang nyid kyis 'phur nas byon pas 'phur shes su grags pa yin no/ /des na la la dag chos skyong gi rten rnams dang / de dag gi bzhugs gnas rdo rje gdan gyi mgon khang dang bcas pa la sangs rgyas nyid kyis rab gnas mdzad do/ /zhes smra ba ni cung zad ma brtags pa ste/ rdo rje gdan gyi gtsug lag khang dang rten gsum rnams ni ston pa 'das nas lo grangs du ma zhig 'das pa'i rjes su byung ba yin te/ de yang rgyal ba 'das nas lo nyi shu tsam la rgyal po shrI singhas rdo rje gdan du