[A:100a]nas bsgral ba'i dus la bab par gyur pas/ rdo rje nag po chen pos dngos su bsgral te/ kho'i rnam smin gyi phung po paNDi ta rnams kyi gdong du bskyur nas/ dam nyams 'di'i pags pa bshus la nga'i 'dra 'bag cig bzhengs shig nga rang dngos dang khyad par med pa zhig 'byung ngo / /zhes lung bstan nas paNDi ta tho btsun grub rje dang / slob dpon bde byed bdag po sogs paN grub mang pos phyag bzo mdzad de/ sdig can gyi rgyal po de'i pags pa la bse byas te/ de la zhal 'bag sku stod de dang bcas pa dang / sha rus lhag ma rnams kyis phyag dang phyag mtshan/ mi mgo'i do shal sogs sku'i rgyan dang / cha shas gzhan rnams kyis sku rgyu mdzad nas legs par bzhengs te/ bzo'i bya ba kun mthar phyin pa na/ nam mkha' nas me tog sngon po yid du 'ong ba zhig babs pa sku la thim ma thag 'cham sku nyid sku mdog mthing nag la 'od dang 'od zer me phung