[A:10a]pu tra ming sring la sogs pa nas bzung ste/ dkar phyogs la dga' ba'i yi dwags mthu bo che'i bar yan chad do/ /'o na mgon po 'di nyid bcu gsum rdo rje 'dzin pa'i sa la bzhugs pa yin pas ye shes kyi mgon po nyid yin no snyam na/ don la de ltar yin mod/ 'on kyang ye shes kyi mgon po ston pa sangs rgyas rnams kyi bka' nyan zhing bstan pa bsrung ba'i tshul bzung bas na chos skyong mgon por bzhag go /gnad 'di go dgos so/ /las mgon rnams la ltos te ye shes kyi mgon po zhes pa'i tha snyad du thob pas/ de'i dbang du mdzad nas yig cha 'ga' zhig las mgon po 'di la ye shes kyi mgon po zhes bshad pa yang yod do/ /rnam dbye phyed par gyis shig pu tra sogs kyi las mgon rnams la 'jig rten pa'i mgon por bshad pa ni sgrub thabs gsang ba yid bzhin nor bu