[A:9b]mthong lam nas sa phyed dang bcu gsum gyi bar ci rigs su gnas pa'i tshul 'dzin pa 'dod khams dbang phyug la sogs pa rnams so/ /gsum pa ni/ lha chen brgyad/ phyogs skyong bcu la sogs pa 'jig rten pa'i tshul can rnams so/ /de dag kyang khros rgyud las/ 'jig rten chos dang ye shes kyi/ /mgon po'i khyad par mngon du 'byung / /zhes pas bstan no/ /'di la bdag gi bla ma mkhan chen thams cad mkhyen pa ngag dbang chos grags kyi gsung las/ de yang ye shes kyi mgon po ni rgyal ba rigs lnga la sogs pa longs sprul gyi cha byad can gyi sangs rgyas rnams so/ /chos skyong gi mgon po ni/ sa la gnas pa'i byang sems mtha' dag dang / khyad par du ni gur mgon lcam dral la sogs pa 'das pa'i tshul bzung ba'i chos skyong rnams so/ /'jig rten pa'i mgon po ni don la 'das pa yin kyang rnam pa 'jig rten pa'i tshul bzung ba'i