[A:98a]nus pas de dag bod du spyan drangs te sangs rgyas kyi bstan pa dar rgyas su mdzad pa yin no/ /de lta bu'i bse mgon yid bzhin gyi nor bu 'di nyid sangs rgyas zhal bzhugs dus byon pa dang / de'i rjes su byung ba'i snyan brgyud kyi lo rgyus mi 'dra ba gnyis snang ba las/ lugs snga ma bzhed pa'i bla ma gong ma rnams kyi gsung rab las 'di ltar 'byung ste/ 'cham sku 'di nyid kha cig slob dpon bde byed bdag po dang / tho btsun grub rje gnyis kyi phyag bzor 'dod kyang / rje rtse mo'i gsung bgros rgyal tsha lung mang pos kha bskangs pa'i lo rgyus kyi yi ger/ thub pas bse las byas pa'i 'cham sku/ sku gsung thugs kyi rten mgon khang dang bcas pa la rab tu gnas pa mdzad/ ces dang / sangs rgyas kyis mdzad pa'i chos skyong gi 'cham sku'i drung du chos skyong 'di'i man ngag gnang zhes nan tan du gsungs pas/ thub pa'i dbang