[A:97b]pa mi pham mar grags pa de lta bu'i dbyangs ma bu gnyis mdzad pas nyin zhag gcig na lha mo'ang zhal gzigs/ de nas bla mas bka' bsgo rjes gnang mdzad/ man ngag rnams gnang ste bod du byon pa'i tshe nyin gcig tsam phebs pa'i sar/ 'cham sku 'phur te phyir la byon byung bas/ slar log nas bla ma la zhus pas mi skyon/ bod du bstan pa dar rgyas 'ong ba'i ltas yin 'phags pa'i thugs rje so so skye bos dgag par dka' zhes gsungs nas/ sku'i rten du sangs rgyas nyid kyi phyag nas bzhugs pa'i bse 'bag nag po de nyid dang / gsung gi rten du la Ti'i gos la bai DUrYa'i rtsa sngags snying po bzhi las kha tshar ba'i sngags dang bcas pa ma reg par 'od 'phro ba/ thugs kyi rten du gri lcags las grub pa'i rdo rje rtse dgu pa/ yon tan 'phrin las kyi rten du bse'i ga'u snying 'dra ba'i nang na sgrub thabs dang las sbyor gyi man ngag rang gang 'dod kyi yi ger 'ong ba rnams tshang bar gnang / chos skyong gi