[A:9a]rnams kyi/ /lus la yang dag gnas nas ni/ /dngos grub ster byed stobs mchog byed/ /ces gsungs so/ /gsum pa ni/ rang sems lhan cig skyes pa'i ye shes skye 'gag gnas gsum dang bral ba gsal stong zung du 'jug pa'i bdag nyid can 'di nyid do/ /de skad du yang khros rgyud las/ sku gsung thugs kyi gsang ba las/ /drag po kun gyi srog gyur pa/ /zhes dang / dwangs snyigs las ni rgyu 'bras kyi/ /gnas pa khyad par rten 'brel gyi/ /'khrul dang 'khrul pa ma yin pa/ /khams gsum kun la dbang byed pa/ /zhes gsungs so/ /bzhi pa go 'phang gi sgo nas dbye ba la gsum ste/ ye shes kyi mgon po/ chos skyong gi mgon po/ 'jig rten gyi mgon po'o/ /dang po ni/ chos sku skye ba med pa la skye ba'i cho 'phrul du snang ba mgon po rigs lnga la sogs pa rnams so/ /gnyis pa ni/