[A:8b]khams dkar po bskyed pa dang / khams gsum pa bskyed pa'o/ /zhes gsungs/ de dag la gnad du bsnun tshul yang / le'u zhe bzhi par/ steng 'og gi rlung yang dag par bsnan te/ lte ba'i dbus su bsgoms na zla ba drug gis nges par 'grub par 'gyur ro/ /zhes dang / dgang ba dang / dbyung ba dang / bum pa can rim pa ji lta ba dran par byas nas/ zla ba phyed kyis mkha' spyod 'grub par 'gyur ro/ /zhes dang / le'u zhe brgyad pa las/ shes bya thams cad lte ba'i rtsa 'khor du mnan na 'gro ba rnams kyis bde ba the tshom med par thob pa ni/ yul rnams ye shes kyi mes bsregs pas sgyu mar snang ba'o/ /zhes gsungs/ khros rgyud las/ dkyil 'khor lha lus nyid yin no/ /gzhan du lha dang dkyil 'khor ni/ /btsal bas rnyed par mi 'gyur zhes/ /'dren pa dpa' bos rtag tu gsungs/ /zhes dang / rtag tu sgrub pa po