[A:8a]par snang ba rnams yin te/ khros pa'i rgyud las/ dur khrod gnas pa'i mgon po dang / /nyi shu rtsa bzhi'i zhing skyong bcas/ /phyi rol yul du rgyu ba rnams/ /de dag rim pas bshad par bya/ /zhes dang / yul ni nyi shu rtsa bzhi yi/ /drag po'i zhing skyong nyi shu yi/ /sku gsung thugs kyi 'khor lo yi/ /sa gsum rnam par khyab nas gnas/ /zhes gsungs so/ /gnyis pa ni/ rdo rje'i lus kyi rtsa gsum 'khor lo lnga/ de dag gi nang na gnas pa'i khams dwangs ma rlung dang bcas pa rnams yin te/ mgon po mngon byung gi le'u so gcig pa las/ a wa dhu ti dang / la la na dang / ra sa na rnams 'dus pa las mgon po'o/ /la la na shes rab kyi rang bzhin du shes pa'o/ /ra sa na khams bde ba'i rang bzhin du shes pa'o/ /a wa dhU ti ni bde ba chen po'i rang bzhin can ma zhes pa ste/