[A:83a] a A/ i I sogs dbyangs gsal gyi sngags gsungs shing / sa la yang de ltar bris te/ thal mo sbyar bas/ yab na re/ 'di las 'phro can gcig 'dug gsungs nas/ na bza' ser po bskon te dge bsnyen mdzad/ dgung lo bcu gsum pa la mkhan po legs pa bzang po las rab tu byung ste/ mtshan yang rin chen bzang po zhes gsol/ de'i tshe 'dul ba rgya 'grel dang bcas pa gsan cing thugs su chud/ dgung lo bcu bdun lon pa'i tshe/ u rgyan nas byon pa'i paNDi ta gcig gis yum la bsod snyoms bslangs te gsol nas bzhud pa'i shul na/ rgya gar yi ge'i be'u bum legs po gcig 'dug pa de zhal phye nas gzigs pa thugs kyi bsam pa la be'u bum 'di'i nang na gdams ngag khyad par can yod nges te/ rgya yig mi shes pas mi go dgongs te thugs phyung nas shing gi bsil grib gcig la