[A:83b]gzim bzhugs pas/ mnal du song ba'i rmi lam du/ bud med sha rtsi dmar ba rin po che'i cod paN dang do shal dar dpyang gis brgyan pa/ lag pa g.yas na DA ma ru 'khrol ba/ g.yon na me tog spar gang thogs pa zhig mdun du 'ongs nas 'di skad ces zer ro/ /srin po'i kha chus rang lus bcings pa ltar/ /yul la zhen pa bdud kyi rgya ru chud/ /de 'dra thar par 'dod pa'i mi su dag /byang phyogs kha che'i yul du phyin nas kyang / /rgya gar shar nub chu bzhin nyul nas ni/ /dam chos rgya mtsho bod du bsgyur na bde/ /zhes pa'i sgra bsgrags te mi snang bar gyur to/ /der mnal sad pa dang lus thams cad rngul nas chur zhugs pa ltar song / thugs kyang chad chod 'phyo zhing snyam byed cing rang gi khyim du bzhud do/ /de nas thugs dgongs la bdag la mkha' 'gro mas lung bstan par 'dug pas/ kha che dang rgya gar du ma phyin na srog gi bar chad du 'gro nyen yod/ phyin