[A:81a]ba la srol 'di las zab cing rgyas pa med pa yin no/ /de ltar bod 'dir byung ba'i chos skyong gi chos brgyud rnams kyi nang nas/ bshad ma thag pa'i gyi ljang lugs dang / 'og nas 'byung ba'i mal lo nas brgyud pa gnyis gtsor gyur pa yin la/ gzhan yang gong du bshad pa ltar bka' gter gyi lugs mang po dang / jo bo rje/ 'brog mi/ ba ri ba/ gyi jo/ 'gos lo/ mar pa/ paNDi ta 'jam dbyangs nas brgyud pa sogs chos rgyun mi 'dra ba mtha' yas pa zhig byung bar snang ngo / /don 'di dag la dgongs nas rje tshar chen gyi mgon po'i dri ba lhag bsam rab dkar las/ gzhan yang gangs ri'i khrod la 'di gnyis las/ /gzhan pa'i gur gyi mgon po'i chos skor gyi/ /man ngag bka' gter dag las brgyud gyur pa/ /gsal bar gyur pa'i tshad ldan yod lags sam/ /zhes gsungs pa'i dgongs pa'i don