[A:80b]rdo rje shes rab ljang lo tsA ba rnams dang mjal nas mgon po lha lnga'i dbang dang / chos skor ci rigs pa gsan pa yin no/ /nA ro pa nas mar pa lo tsA ba la brgyud pa'i mgon po pho rkyang gi rjes gnang / sgrub thabs tsam dang / khyad par mo rkyang la phyi sgrub mu stegs kyi lugs su sgrub pa'i rjes gnang / de'i sgrub thabs bram ze mchog sred kyis mdzad pa/ lo ka shrIs bsgyur ba sogs cha tshang / gsang sgrub birWa pa nas brgyud pa'i ma mo nyer gcig gis bskor ba'i rjes gnang thun mong ma yin pa/ de'i sgrub thabs nA ro pas mdzad pa sogs cha tshang ba/ gzhan yang lha mo drag mo rkang du sgrub pa/ stag la bzhon pa/ dkar mo la brten nas pra dbab pa sogs man ngag zab cing rgyas pa yi ge po ti gcig gi lung dang bcas pa yod/ 'di pa'i lugs kyi dud sol lha mo zhes pa'i ming 'dogs/ lha mo 'di'i chos skor rgya gar nas bod du 'gyur